Waziri afurahishwa na utekelezaji wa miradi Jijini Mwanza

Posted on: May 14th, 2018

Waziri wa Nchi ofisi ya Rais TAMISEMI amefanya ziara ya kikazi kukagua miradi ya maendeleo ya Kimkakati inayotarajiwa kutekelezwa /na Mingine ipo kwenye utekelezaji na Halmashauri ya Jiji la Mwanza.

Miradi iliyotembelewa ni pamoja na ukarabati wa Mabweni shule ya sekondari Nganza,Eneo la ujenzi  maegesho ya malori ya mizigo –Buhongwa,Ujenzi wa stendi ya Mabasi –Nyegezi ,Mradi wa Umeme wa Jua – Hospitali ya wilaya Nyamagana,Ujenzi wa Barabara ya mawe Mulungushi, Ujenzi wa Machinjio ya Kisasa  -Igoma  na Ujenzi wa Madarasa Manne shule ya msingi Nyashana.

Miradi yote iliyotembelewa na Mheshimiwa Jaffo ipo kwenye hatua mbali mbali za utekelezaji , suala ambalo limemfurahisha  Mheshimiwa  Waziri kwa namna Mkuu  wa Mkoa wa Mwanza ,Mkuu wa wilaya ya  Nyamagana,Mkurugenzi wa Jiji na timu yake ya wataalamu wanavyotekeza miradi mikubwa  kwa ufanisi mkubwa .

Akihitimisha ziara yake katika Shule ya Msingi Nyashana  Mheshimiwa Jaffo amehaidi kutoa ushirikiano wa kutosha kwa ajili ya kuanzisha shule nyingine kata ya mbugani kutokana na wingi wa wanafunzi katika shule ya msingi Nyashana. Aidha  Mheshimiwa Jaffo  amempongeza Mkurugenzi wa Jiji la Mwanza kwa kujenga madarasa mengi na yenye viwango  “nimesikia Mkurugenzi amejenga  madarasa mazuri kama haya niliyoyaona 60 shule mbali mbali ndani ya Jiji! Nikupongeze binafsi kwa sababu nilishaagiza madarasa yote yanayojengwa sasa kuwekewa marumaru chini na wewe tayari ilikwishaanza kutekeleza Hongera sana” amesema Mheshimiwa Jaffo.

Mkurugenzi wa JIji la Mwanza ,Kiomoni Kibamba amesema  kwamba Halmashauri  ya Jiji la Mwanza imekusudia kutekeleza miradi mingi ya kimkakati na hiyo iliyotembelewa na Mheshimiwa waziri ni sehemu tu ya miradi yote.