Lazima ifikapo tarehe 11, Januari wanafunzi wote wa kidato cha kwanza waingie madarasani - Mhe.Mongella

Posted on: December 30th, 2020

Mkuu wa Mkoa wa Mwanza afanya ziara ya kikazi Halmashauri ya Jiji la Mwanza kukagua ujenzi wa madarasa

Akiongozana na kamati ya Usalama ya Mkoa, Mhe Mongella ametembelea kata 10 kuangalia hatua iliyofikiwa katika ujenzi wa madarasa.

Akiwa katika ziara Mhe.Mongella amesema pamoja na kazi kubwa iliyofanyika lakini Halmashauri kwa kushirikiana na wadau mbalimbali pamoja na wananchi wanawajibu wa kufanya jitihada kwa ajili ya kuongeza madarasa zaidi kwa kulenga mwaka 2022 ambapo ndio wanafunzi wengi walionza shule za msingi 2016 kwa wingi kutokana na sera ya " Elimu bila malipo" watajiunga na kidato cha kwanza.

Aidha Mhe.Mongella amewataka wenyeviti wa mitaa kuwahamasisha wananchi na kuwawekea utaratibu usio kuwa na kero kushiriki katika shughuli za maendeleo

Halmashauri ya Jiji la Mwanza ilikuwa na upungufu wa madarasa 122 lakini mpaka sasa madarasa 67 yamekamilika na madarasa 55 yapo katika hatua za mwisho za ukamishwaji